Áburðarverðskrá 2010 er nú tilbúin og birtist hér á vefnum. Í samstarfi við Skeljung hf bjóðum við áfram "Sprettinn", hágæða áburð frá Carrs í Skotlandi. Eins og flestir bændur vita hefur Sprettur verið á markaði hér á landi í nokkur ár við góðan orðstír. Við leggjum áherslu á að bjóða bændum vandaða vöru á góðu verði og sláum aldrei af gæðakröfum okkar. Eins leggjum við mikið upp úr því að hafa gott vöruúrval svo flestir bændur geti fundið þær áburðartegundir sem henta þeirra rekstri. Bændum mun á næstu dögum berast vandaður bæklingur um áburðinn ásamt vöru- og verðlista. Í ljósi þess hve seint verðin eru á ferðinni og knappur tími til vorsins biðjum við bændur um að hafa snör handtök við að koma pöntunum til sölumanna.
Skeljungur hf og Bu.is kynna nýjung á áburðarmarkaði. Avail er náttúruleg fjölliða (stórsameind) sem verndar fosfórinn fyrir bindingu við málmjónir í jarðveginum. Málmjónir (jákvætt hlaðnar) leitast við að bindast fosfórjónum (neikvætt hlaðnar) svo fosfórinn verður óaðgengilegur fyrir plönturnar. Fosfórkornin (DAP) eru húðuð með Avail áður en þeim er blandað út í áburðinn. Með þessari tækni bætist nýting áborins fosfórs til muna og hægt er að draga úr fosfórskammti þar sem nægur fosfór er í jarðvegi. Með bættu aðgengi plöntunnar að fosfór verður rótar- og sprotavöxtur öflugri á vorin, þroskatíminn styttist og uppskeran eykst.
Áburður sem inniheldur Avail verður fáanlegur í 2 til 3 nýjum tegundum
- Hraðari vöxtur á vorin
- Uppskerutíminn færist fram
- Sterkari og heilbrigðari planta
- Meiri uppskera
- Minni fosfór, minni kostnaður
Við höfum hafið sölu á járningavörum frá KERCKHAERT. Þessar vörur eru hesta- og járningamönnum vel kunnar og hafa verið á markaði hér á landi til fjölda ára. Skeifurnar frá KERCKHAERT eru sérsniðnar fyrir hvern hóf og því þarf lítið að smíða þær til við járningu. Erlendur Árnason járningameistari hefur notað þessar skeifur í mörg ár og járnar helst ekki á annað. Skeifurnar eru 2 mm breiðari en hefðbundnar skeifur sem gerir þær bæði slitsterkari og hestvænni.
Í tilefni þessara tímamóta verðum við með frábær tilboð út janúar